Firwat?

D’Naturparkgesetz gesäit vir, datt all 10 Joer eng Evaluatioun an eng Neiorientéierung vum Naturpark statt fënnt. Am Kader vum aktuelle Prozess gëtt den Naturpark Öewersauer net nëmme verlängert, mee och erweidert – mat dem geplangte Bäitrëtt vun der Gemeng Géisdref. 

​

Dës Erneierung leeft a verschidden Etappen of: Si fänkt mat enger Étude préparatoire un, déi d’Ziler an d'Grënn vun dësem Prozess erkläert. Dës Etude gëtt duerno ëffentlech virgestallt.

​

Bei der nächster Etapp - d’Etude détaillée - spillt déi participativ Dimensioun eng wichteg Roll: d'Meenungen an d'Iddie vun de Biergerinnen a Bierger si gefrot fir d'Zukunft vun der Regioun mat ze gestalten.